Ռուսաստանի ԱԳՆ խոսնակ Մարիա Զախարովան մեկնաբանել է ռուսական պետական «ՌԻԱ Նովոստի» գործակալության տարածած այն տեղեկությունը, թե ԱՄՆ-ը սպառնում է Արցախին բանակցությունների մեջ մտնել Ադրբեջանի հետ՝ հակառակ դեպքում կիրականացնեն հակաահաբեկչական գործողություն:
Զախարովան ասել է, որ տեսել է այդ հրապարակումները, և եթե Վաշինգտոնի կողմից ճնշումների դեպքերը հաստատվեն, ապա ԱՄՆ-ը հերթական անգամ կխարխլի միջնորդի իր հեղինակությունը:
«Միջնորդը նա է, որը փորձում է ներդաշնակություն բերել կարգավորմանը, փորձում է հաշտեցնել կողմերին՝ գտնելու շփման եզրեր: Ես առաջին անգամ եմ նորագույն պատմության մեջ տեսնում, որ երկիրը, որ հավակնում է միջնորդի դերին, իր միջնորդական դերն իրականացնելիս կարգավորման մասնակցին սպառնում է ուժի կիրառմամբ: Ուժով, սպառնալիքով և շանտաժով ստիպում են նստել բանակցությունների սեղանի շուրջ և մասնակցել ինչ-որ ֆորումների, որոնք իրենք՝ միջնորդները, գծել են իրենց ուղեղներում»,- ասել է Զախարովան:
Նա նշել է, որ այժմ խոսքը պետք է փոխանցել ամերիկացիներին, որպեսզի նրանք կամ հերքեն դա, կամ բացատրեն՝ ինչ նկատի ունեին:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
