«Փարոս» անվանումը վաղուց չի օգտագործվում։ Այն մնացել է մարդկանց գիտակցության մեջ որպես հայոց անապահովության խորհրդանիշ, բայց նպաստների համակարգը գործում է։ Կառավարությունում կարծում են, որ այն շատ թերություններ ունի՝ ցածր հասցեականություն, կարիքի սխալ գնահատում, երբ շահառուն աղքատ չէ, բայց նպաստ է ստանում, իսկ իրական կարիքավորը՝ ոչ։
Պարզվում է՝ նպաստ ստացողների մեջ կան «հարուստ» թոշակառուներ, որոնք ունեն միայնակ չաշխատող կենսաթոշակառուի կարգավիճակ, ստանում են նպաստ՝ «մինչեւ անգամ 109 հազար դրամ ամսական եկամուտ ունենալու դեպքում, ինչը գերազանցում է աղքատության միջին գիծը 2.5 անգամ, իսկ պարենային գիծը՝ 4.5 անգամ»։ Իսկ 109 հազար դրամ ստացողը չի կարող աղքատ համարվել, նա 2,5 անգամ հարուստ է իսկական աղքատից ու նրանից 4,5 անգամ ավելի լավ է սնվում։ Ուստի գործադիրում կարծում են, որ այս կեղծ աղքատներին պետք է ջնջել նպաստների համակարգից եւ պետական գումարներն ուղղել միայն իսկական աղքատներին, այսինքն՝ այդ 20 տոկոսին։
Հոդվածն ամբողջությամբ՝ «Հրապարակ» օրաթերթի այսօրվա համարում:
