Այսօր՝ հունիսի 13-ին, խոշոր ավտովթար է տեղի ունեցել Լոռու մարզում։ Ժամը 14։30-ի սահմաններում Վանաձոր-Դիլիջան ավտոճանապարհի 11 կմ հատվածում, Լերմոնտովո գյուղի վարչական տարածքում բախվել են Volkswagen Vento և Opel Astra մակնիշի ավտոմեքենաները։
Վթարի հետևանքով, նախնական տեղեկություններով 6 հոգի տարբեր աստիճանի մարմնական վնասվածքներով տեղափոխվել են «Վանաձոր» բժշկական կենտրոն: Տուժածներին հիվանդանոց են տեղափոխել շտապօգնության խմբերն ու պարեկները: Վիրավորներից մեկը, որը երիտասարդ տղա է, հիվանդանոցի ճանապարհին մահացել է:
Կարդացեք նաև
Տուժածներին մեքենաներից դուրս բերելու համար փրկարարները օգտագործել են հատուկ տեխնիկա:
Էդվարդ ԱՐԶՈՒՄԱՆՅԱՆ
