«Իմ ենթադրությունն այն է, որ իրենք հյուր ունեին այս օրերին: Մասնավորապես, արդեն բոլորդ տեղեկացաք, որ Թուրքիայի նախագահն է այցելում Ադրբեջան: Հետեւաբար, իմ կարծիքով, Ադրբեջանի ԱԳ նախարարն այդ օրերին չէր կարող բացակայել Բաքվից»,-այսօր խորհրդարանում լրագրողների հետ զրույցում ասաց ԱԺ Եվրոպական ինտեգրացիայի հարցերի հանձնաժողովի նախագահ Արման Եղոյանը՝ պատասխանելով ՀՀ եւ Ադրբեջանի ԱԳ նախարարների հետաձգված հանդիպման մասին հարցին:
Հիշեցնենք, հունիսի 12-ին Վաշինգտոնում նախատեսված էր ՀՀ եւ Ադրբեջանի ԱԳ նախարարների հերթական հանդիպումը: Քննարկումները շարունակվելու էին ՀՀ-ի եւ Ադրբեջանի միջեւ հարաբերությունների կարգավորման գործընթացի շուրջ: Սակայն, օրերս Հայաստանի ԱԳՆ-ն հայտարարել էր, որ Ադրբեջանի խնդրանքով հետաձգվել են Վաշինգտոնում նախատեսված Հայաստանի եւ Ադրբեջանի ԱԳ նախարարների հանդիպումը:
Հարցին՝ գուցե ինչ-որ բա՞ն ունի Ադրբեջանը համաձայնեցնելու Էրդողանի հետ, Արման Եղոյանը պատասխանեց. «Հեռախոսով էլ կարելի է համաձայնեցնել, 21-րդ դարում ենք ապրում»:
Առաջիկա օրերին նոր հանդիպումների մասին հարցին էլ իշխող ուժի խմբակցության պատգամավորը պատասխանեց. «Դա չեմ կարող ասել: Նման հարցերը օրերի կտրվածքով չեն լուծվում, շաբաթների կտրվածքով են լուծվում»:
Կարդացեք նաև
Մանրամասները՝ տեսանյութում
Նելլի ԳՐԻԳՈՐՅԱՆ
