«Ազատություն» ռ/կ. ԱՄՆ պետքարտուղարի Եվրոպայի և Եվրասիայի հարցերով օգնականի պաշտոնակատարն ու Ադրբեջանի արտգործնախարարն այսօր հեռախոսազրույց են ունեցել, փոխանցում է Ադրբեջանի ԱԳՆ-ն։
Դարեք Հոգանն ու Ջեյհուն Բայրամովը երկու երկրների համագործակցության օրակարգից զատ, քննարկել են Ադրբեջանի և Հայաստանի միջև հարաբերությունների կարգավորման գործընթացին առնչվող հարցեր։
Բայրամովը ներկայացրել է Բաքվի դիրքորոշումը Երևանի հետ վերջին մեկ ամսվա ընթացքում կայացած բանակցությունների և օրակարգային բաց հարցերի լուծման հեռանկարների վերաբերյալ, ասված է հաղորդագրության մեջ։
Հունիսի 12-ին Վաշինգտոնում նախատեսված Հայաստանի ու Ադրբեջանի արտգործնախարարների հանդիպումը անորոշ ժամանակով հետաձգվել է ադրբեջանական կողմի խնդրանքով։
Կարդացեք նաև
Նախորդ ամսվա վերջին Հոգանը հայտնել էր, որ Վաշինգտոնը մի շարք առաջարկներ է ներկայացրել Երևանին և Բաքվին ամենավիճելի հարցերի լուծման վերաբերյալ, որոնք կողմերն ուսումնասիրում են։
