«Ռուսական իշխանական վերնախավը, չբավարարվելով վերջին երեսուն տարիներին իր կողմից տարված Հայաստանի հյուծման քաղաքականությամբ, այսօր էլ Հայաստանին զրկում է պատերազմի սպառնալիքը զսպելու համար զինվելու հնարավորությունից»
ԵՄ դեսպան տիկին Անդրեա Վիկտորինին
Եվրոպայի խորհրդի գրասենյակի ղեկավար տիկին Մարտինա Շմիդտին
Կարդացեք նաև
Հայաստանում ՄԱԿ-ի մշտական համակարգողի պաշտոնակատար Նիլս Սքոթին
Ձեզ դիմում են Արցախի Հանրապետությունից 2020 թվականի ցեղասպանական պատերազմի հետևանքով բռնի տեղահանվածների ՀԿ-ները` կապված Արցախը Հայաստանին ու աշխարհի հետ կապող միակ միջոցի` Բերձորի միջանցքում տիրող իրավիճակի ու դրա կարգավիճակի խարխլման հետ: Միջանցքը արցախահայության գոյաբանական միակ ուղին է: Դրա կարգավիճակի խարխլումը արցախահայության ցեղասպանությունն է, որը կիրականացվի էթնիկ զտմամբ, կամ էլ արցախահայության դիմադրության դեպքում` ընդհուպ նրանց ոչնչացմամբ, ինչպես դա եղավ 1988-1990 թվականներին Բաքվում, Կիրովաբադում, Սումգայիթում:
Ռասիստական Բաքուն, խախտելով Բերձորի միջանցքի կարգավիճակը, փաստացի միջազգային հանրությանը ամիսների ընթացքում վարժեցնելով, «էկոակտիվիստների» գործոնը սահուն փոխարինեց «անվտանգության նկատառումներով» անցակետով, որն ակնհայտ է, որ արդեն այսօր ահաբեկման միջոց է արցախահայության համար, նրանց դեմ ցեղասպանության իրականացման «փափուկ ուժ»: Բաքուն նման քաղաքականությամբ լեգիմիտացնում է իր ուժի կիրառման պրակտիկան:
Տեղի տալով հայատյացություն քարոզող ու սերմանող Բաքվի առաջնորդին, ենթարկվելով դրա նավթային հմայքին, այսօր ԵՄ առաջնորդը համագործակցում է նրա հետ` նավթային առևտրով իսկ խրախուսելով, որ նա հաշվեհարդար տեսնի արցախահայության ու տարածաշրջանի հայության հետ:
Հայի արյունը ավելի քան հարյուր երեսուն տարիներ շահարկվում ու սակարկվում է, ու Եվրոպան ու միջազգային հանրությունը մոռանում են մարդու իրավունքի և համամարդկային արժեհամակարգի մասին, քանի որ մյուս նժարի վրա նավթն է:
Այսօր ռուսական իշխանական վերնախավը, չբավարարվելով վերջին երեսուն տարիներին իր կողմից տարված Հայաստանի հյուծման քաղաքականությամբ, այսօր էլ Հայաստանին զրկում է պատերազմի սպառնալիքը զսպելու համար զինվելու հնարավորությունից:
Խնդրում ենք Ձեզ մեր հանրային ձայնը և խոսքը հասցնել ԵՄ, ԵԽ/ՄԱԿ, պահանջելով վերականգնել և պաշտպանել արցախահայությունը Մայր Հայաստանին կապող Բերձորի միջանցքի կարգավիճակն ու դրա ռեալ գոյությունը: Խնդրում ենք ջանք գործադրել ապահովելու ՀՀ-ի զինման ու իր բնակչությանը սպառնացող պատերազմից ու ցեղասպանությունից պաշտպանելու իրավունքը, սաստելու Ռուսաստանի` ՀՀ-ի հանդեպ վերջին 32 տարիների ագրեսիվ ու քայքայիչ քաղաքականությունը:
Խնդրում ենք միջազգային ուժերի տեղակայում միջանցքում հայության դեմ ընթացող ցեղասպանությունը կասեցնելու ու հայության գոյաբանական իրավունքները պահպանելու համար: Կանխավ շնորհակալ ենք:
- «Վերադարձ Քարվաճառ» ՀԿ
- «Հանուն Հադրութի» ՀԿ,
- «Կռունկ» արցախահայերի իրավունքների պաշտպանության ՀԿ
- «Վերադարձ դեպի Քաշաթաղ» ՀԿ
- «Հադրութի դեօկուպացիա» ՀԿ
- «Շուշի» սոցիո-կրթական կենտրոն ՀԿ
- «Մեր տուն Արցախ» ՀԿ
- Ազատություն Արցախի համար հիմնադրամ
- Ադրբեջանական ԽՍՀ-ից փախստականների համագումար
