«Գելափ ինթերնեյշնել ասոցիացիա»-ն հեռախոսային հարցում է իրականացրել 1100 քաղաքացիների շրջանում։
Ըստ Գելափի, հարցվածների 32.8%-ը համաձայն է, որ Նիկոլ Փաշինյանը փորձում է վարել հավասարակշիռ քաղաքականություն արեւմուտքի եւ Ռուսաստանի հետ, 20.5%-ը համաձայն է, որ Փաշինյանը փորձում է Հայաստանն ինտեգրել Եվրոպայի, Արեւմուտքի եւ ՆԱՏՕ-ի շրջանակներ։
Հարցվածների 14.7%-ը համաձայն է, որ Փաշինյանը նպատակ ունի Հայաստանը մերձեցնել Ադրբեջանի եւ Թուրքիայի հետ, 12.9%-ը համաձայն է, որ Փաշինյանի գործողություններն ուղղված են դուրս մղելու Ռուսաստանի ներկայությունը Հայաստանից։
Հարցված քաղաքացիները գնահատել են վարչապետ Փաշինյանի 2018, 2019, 2021, 2023 թվականների գործելաոճը, որն, ըստ հարցման արդյունքների տարեց տարի բացասական է եղել քաղաքացիների գնահատմամբ։
Կարդացեք նաև
Ըստ այդ, 2018 թվականի սեպտեմբերին հարցվածների 91,6%-ը դրական է գնահատել Փաշինյանի գործելաոճը, 2019-ի մայիսին հարցվածների 84.2%-ն է դրական գնահատել, 2021-ին՝ 38.1%-ը, 2023-ին՝ 18,8%-ը։
2018 թվականի սեպտեմբերին հարցվածների 6.3%-ն է բացասական է գնահատել Փաշինյանի գործելաոճը, 2019-ի մայիսին հարցվածների 13.3%-է բացասական գնահատել, 2021-ին՝ 46,2%-ը, 2023-ի մայիսին հարցվածների 71,3%-ն է բացասական գնահատել Փաշինյանի գործելաոճը։
Նելլի ԲԱԲԱՅԱՆ
