Այս ստորագրահավաքը, պարզապես ստորագրահավաք չէ, այս մասին այսօր հայտարարեց «Հայաքվե» նախաձեռնություն անդամներից Արամ Օրբելյանը՝ հերթական հանդիպմանը՝ պատասխանելով քաղաքացիներին հետաքրքրող հարցերին:
Իրավական հիմնավորում տալու համար նա հղում արեց Սահմանադրությանը, որտեղ ամրագրված է, որ իշխանությունը պատկանում է ժողովրդին: «Այ, սրա վրա բոլորը կանգնում են ու ոչ ոք չի ասում, թե ժողովուրդը ինչ պետք է անի այդ իշխանության հետ ու ով է այդ ժողովուրդը: Այստեղ կարծեք թե վերջակետ է դրվում : Երբ ինչ որ մի բան պետք է արվի, ասում են, թե ժողովուրդն է ասել, երբ չեն ցանկանում որևէ բան անել, ասում են ժողովուրդը չի ուզում: Բայց սահմանադրությունը պարզաբանում է, թե այդ իշխանությունը ժողովուրդն ինչպես է իրականացնում. ազատ ընտրությունները իրականացման ձևերից մեկն է, 2-րդը՝ հանրաքվեների միջոցով է իրականացվում, ինչպես նաև Սահմանադրությամբ նախատեսված մարմինների միջոցով: Հիմա ժողովուրդն իրավունք ունի իր առաջնային իրավունքն իրականացնել հանրաքվեի միջոցով և դրա իրացման համար, 2015 թվականի Սահմանադրության 109-րդ հոդվածը նախատեսել է այդպիսի իշխանության իրացման եղանակ»,-շեշտեց Օրբելյանը՝ հավելելով, որ հենց սահմանադրական այդ հոդվածում ամրագրված է, որ 50 000 ստորագրության դեպքում ժողովուրդն իրավունք ունի օրենսդրական նախաձեռնությամբ հանդես գալ:
Պատասխանելով քաղաքացիների բազմաթիվ հարցերի, Օրբելյանը տվեց «Հայաքվեի» կողմից նախաձեռնված ստորագրահավաքի և դրա միջոցով օրենսդրական փոփոխությունների հասնելու իրավական հիմքերը:
Կարդացեք նաև
Լուսինե ՄԱՐԳԱՐՅԱՆ
