Միկրոչիպեր և էլեկտրոնիկա ներմուծելու համար Մոսկվան ուժեղացրել է պատժամիջոցները շրջանցելու ջանքերը, ինչն իրականացնում է մի շարք երկրների, այդ թվում Հայաստանի միջոցով: Նման մտահոգություն է հայտնել ԱՄՆ պետքարտուղարության պատժամիջոցների համակարգող Ջիմ Օ’Բրայենը:
Օ’Բրայենը նշել է, որ եվրոպական ընկերություններն այդ մասերը վաճառում են այլ երկրների, որոնք իրենց հերթին դրանք վերավաճառում են Ռուսաստանին:
«Պատժամիջոցների շրջանցումը մնում է էական խնդիր», – ասել է նա՝ հավելելով, որ ԱՄՆ-ն խնդիրներ է հայտնաբերել հատկապես հինգ երկրների՝ Թուրքիայի, Ղազախստանի, Վրաստանի, Արաբական Միացյալ Էմիրությունների և Հայաստանի հետ:
Politico-ն գրում է, որ Եվրամիությունն այս պահին աշխատում է Ռուսաստանի դեմ պատժամիջոցների 11-րդ փաթեթի վրա, որը կարող է ներառել աննախադեպ միջոցներ՝ ուղղված այն երկրներին, որոնք շարունակում են բիզնես վարել Մոսկվայի հետ՝ դրանով իսկ թույլ տալով շրջանցել պատժամիջոցները։
Կարդացեք նաև
Ըստ պարբերականի՝ Ուկրաինա Կրեմլի ներխուժումից հետո զգալիորեն աճել է Ռուսաստանի առևտուրը Կովկասի և Կենտրոնական Ասիայի մի քանի երկրների հետ, այդ թվում՝ Վրաստանի, Ղազախստանի և Հայաստանի:
Պատրաստեց Վիկտորյա ԱՆԴՐԵԱՍՅԱՆԸ
