ՔՊ նախկին պատգամավոր, ԵԽԽՎ–ում Հայաստանի պատվիրակության նախկին անդամ, ադրբեջանագետ Տաթև Հայրապետյանի տելեգրամյան գրառումը
Սա երեկվա թեմայի շարունակությունն է: Ինչպես տեսնում եք ադրբեջանցի «էկոլոգների» մտահոգություններն Արցախից հետո հասան Հայաստանին: Դրան նախորդել էր համապատասխան նախարարության կեսգիշերյան տեքստը:
Այս քարոզչությունը մի քանի նպատակ կարող է ունենալ՝
–Հենք այդ ուղղությամբ գործողությունների գնալու համար, պատրվակը «Ադրբեջանի քաղաքացիների առողջության պաշտպանությունը»;
–Հայաստանում ներդրումների կանխում, որը տնտեսական հետևանքներ կունենա երկրի համար;
Կարդացեք նաև
–Քարոզչական նոր արշավ մեր պետության դեմ՝ հեռահար նպատակներով:
Կամ էլ վերոնշյալ բոլոր կետերը միասին:
Բայց սա ուղղակի միջամտություն է մեր պետության ներքին գործերին, իսկ պաշտոնական Երևանից դեռ արձագանք չկա ու որևէ գնահատական չի տրվել սրան:
Հիշեցնենք, տելեգրամյան իր ալիքում Տաթև Հայրապետյանն ավելի վաղ գրել էր. «Ադրբեջանն այնքան հեռուն է գնացել, որ ուղղակի միջամտում է ՀՀ ներքին գործերին։ Այս ուշ ժամին տարածվում է պաշտոնական հաղորդագրություն Հայաստանի հանքարդյունաբերական գործունեության մասին։ Հայտարարության մեջ Հայաստանը փորձում են ներկայացնել որպես խնդրահարույց երկիր տարածաշրջանի համար։
Սա շատ վտանգավոր գործելաոճ է ու նոր քարոզչական ծրագրի մեկնարկ` հեռուն գնացող նպատակներով»։
