ՀՀ առողջապահության նախարար Անահիտ Ավանեսյանը բոլոր տեսակի քննադատություններին լավ է վերաբերվում։
«Ես բոլոր տեսակի քննադատություններին շատ լավ եմ վերաբերվում», – կառավարության նիստից հետո լրագրողներին ասաց նախարարը։ Լրագրողի ճշտող հարցին՝ այդ թվում նաև նախկին նախարար Արսեն Թորոսյանի քննադատությունների՞ն՝ արձագանքեց. «Իհարկե, ինչո՞ւ ոչ»։ Ավանեսյանը ժպիտով հաստատեց, թե իրենց հարաբերությունները «շատ լավ են, գործընկերային»։
Covid–ի քրեական գործի վերաբերյալ լրագրողների հարցին ի պատասխան նա որևէ նոր բան չուներ ասելու, քանի որ համոզված է, թե շատ թափանցիկ է աշխատել: «Հարցաքննությունը հարցազրույց չէ, որ որոշեմ տամ, թե ոչ։ Ինձ դեռ չեն հրավիրել հարցաքննության։ Երբ կարիքը կառաջանա՝ հրավիրեն, ես կներկայանամ ու կտամ բացատրություններ։ Ես հանրային կերպով շատ թափանցիկ եմ եղել, պատասխանել եմ բազմաթիվ հարցերի, ինչ ասելիք ունեմ՝ հանրային կերպով եմ ասում»,– վստահեցրեց նախարարը։
Լուսինե ՄԱՐԳԱՐՅԱՆ
