ՀՀ ՔԿ-ն երեկ հաղորդագրություն էր տարածել, որ Իջևանում և Դիլիջանում առևտրով զբաղվող մի շարք ընկերություններ, առևտրային ծրագրի ներդրմամբ, խուսափել են ավելի քան 501 մլն դրամի չափով հարկեր վճարելուց, հինգ անձ կալանավորվել է:
ՔԿ-ի տնտեսական հանցագործությունների և մաքսանենգությունների քննության գլխավոր վարչությունում «Նոր Զովք» ՍՊ ընկերության կողմից առանձնապես խոշոր չափերով հարկեր չվճարելու դեպքի առթիվ քննվող քրեական վարույթի նախաքննության ընթացքում փաստական տվյալներ են ձեռք բերվել, որ Ա․Ղ․-ն, 2021-2023 թվականների ընթացքում 5 ՍՊԸ ընկերությունների և 1 անհատ ձեռնարկատիրոջ միջոցով Տավուշի մարզի Իջևան և Դիլիջան քաղաքներում գործող խանութներում զբաղվելով առևտրով և հանդիսանալով այդ հարկ վճարողների գործունեությունը փաստացի ղեկավարող անձ, նշված ՍՊ-ների հիմնադիրներ, տնօրեններ հանդիսացող Հ․Ղ․-ի, Լ․Ա․-ի, Ս․Հ-ի, հաշվապահներ Ն․Մ-ի և Մ․Ա․-ի հետ նախնական համաձայնությամբ, առանձնապես խոշոր չափերով՝ 501.701.858 ՀՀ դրամ հարկեր չվճարելու նպատակով, թաքցրել են ընկերությունների և ԱՁ-ի հարկման օբյեկտը և հարկային հաշվարկներում մտցրել խեղաթյուրված տվյալներ։
Aravot.am-ի տեղեկություններով խոսքն «ԻՋԵՎԱՆ ՍԻԹԻ» խանութների ցանցի մասին է, որը գործունեություն է ծավալում Իջևան քաղաքում, Ազատամուտ բնակավայրում և Դիլիջանում: Խանութների ցանցը զբաղվում է մթերային, տնտեսական, կենցաղային ապրանքների մանրածախ առևտրով:
Լիա ՃԱՂԱՐՅԱՆ
Կարդացեք նաև
Լուսանկարը` «ԻՋԵՎԱՆ ՍԻԹԻԻ» ֆեյսբուքյան էջից. 2018 թվականի մայիսի 2
