Իրանագետ Ժաննա Վարդանյանի «Իրանն այսօր» տելեգրամյան ալիքից տեղեկանում ենք
Ադրբեջանն իր քաղաքացիներին հերթական անգամ կոչ է արել խուսափել Իրան այցերից:
❗️Իրանում այդ հայտարարության մեջ «սիոնիստական ռեժիմի» հետք են տեսել ու հայտարարել, որ իրենք շարունակելու Ադրբեջանի քաղաքացիներին առանց վիզայի ռեժիմի ու գրկաբաց ընդունելու քաղաքականությունը:
Գրկաբացի քաղաքականության մասին
Կարդացեք նաև
🔸Իրանն Ադրբեջանի համար վիզային ռեժիմը վերացրել է 2011թ.՝ նույնն ակնկալելով նաև Ադրբեջանից: Բաքուն մինչև հիմա նման քայլ չի գնացել (դժվար էլ գնա), ինչը Իրանում ժամանակ առ ժամանակ դժգոհություններ է հարուցում: Պատգամավորներից կառավարությանը եղել է նաև առաջարկ վերականգնել Ադրբեջանի քաղաքացիների համար վիզային ռեժիմը:
🔸Առանց վիզայի ռեժիմը, սակայն, առաջին հերթին ձեռնտու է Իրանին, քանի որ ադրբեջանցի հավատացյալների հոսք է ապահովում, բացի այդ, սահմանակից նահանգներում խթանում է առողջապահական զբոսաշրջությունը: Այս պայմաններում Իրաքից հետո ամենաշատ թվով զբոսաշրջիկներ Իրան են այցելել հենց Ադրբեջանից (տարեկան +-1 մլն):
🔹Հիմա պատկերն այլ է. Ադրբեջանը կորոնավիրուսի պատրվակով փակ է պահում սահմանները և լարված հարաբերությունների ֆոնին՝ պարզապես «խորհուրդ» չի տալիս Իրան այցելել:
