Aravot.am-ի տեղեկություններով՝ ոստիկանության Վայոց Ձորի մարզային վարչությունում նյութեր են նախապատրաստվում Շատին համայնքի նախկին ղեկավար Մ. Սմբատյանի պաշտոնավարման տարիներին ենթադրյալ չարաշահումների հետ կապված, որոնք արդեն փոխանցվել են ՀՀ Հակակոռուպցիոն կոմիտե:
Մասնավորապես՝ ձեռնարկված միջոցառումներով պարզվել է, որ Մ. Սմբատյանը կազմակերպել և անցկացրել է կադաստրային ծածկագրերով հողատարածքների ձևական աճուրդ վաճառքներ, որով խախտել են «Հրապարակային սակարկությունների մասին» ՀՀ օրենքի 3-րդ հոդ. 2-րդ կետերը:
Մ.Սմբատյանը ունենալով ինչպես տեղական ինքնակառավարման մարմնի անունից հանդես գալու լիազորություն, այնպես էլ հանդիսանալով տեղական ինքնակառավարման մարմնի անունից իրավունք, պարտականություն կամ պատասխանատվություն առաջացնող գործառույթներ իրականացնող պաշտոնատար անձ, իր ծառայողական լիազորություններն օգտագործել է ծառայողական շահերին ի վնաս, մասնավորապես՝ հանդիսանալով Շատին համայնքի համայնքապատկան հողատարածքների օտարման սակարկությունների աճուրդավար, կազմակերպել և անցկացրել է ապօրինի աճուրդ վաճառքներ և կեղծ տեղեկություններ է մտցրել պաշտոնական շրջանառության ենթակա փաստաթղթերի մեջ, որոնց արդյունքում էական վնաս է պատճառվել համայնքին և հասարակության օրինական շահերին, ինչն արտահայտվել է տեղական ինքնակառավարման մարմնի հեղինակազրկմամբ և համայնքը զրկվել է իր սեփական հողամասերը տնօրինելու, տիրապետելու և օգտագործելու իրավասությունից, արժեզրկվել են համայնքային ծառայության սկզբունքներն ու նպատակները: Մ.Սմբատյանի կողմից թույլ տրված ապօրինությունների արդյունքում համայնքին պատճառվել է մոտ՝ 4.960.000 դրամի վնաս:
Կազմված փաստաթղթերը, մեր տեղեկություններով, ՀՀ ՆԳՆ ոստիկանության Վայոց Ձորի մարզային վարչությունից ուղարկվել է ՀՀ Հակակոռուպցիոն կոմիտե:
Կարդացեք նաև
Շատին համայնքի նախկին ղեկավար Մ. Սմբատյանը պաշտոնավարել է 2005-2016թթ-ին:
