2022թ. փետրվարի 23-ին Լոռու կայազորի զինվորական դատախազությունը Տավուշի մարզի ընդհանուր իրավասության դատարան ուղարկեց Աշոտ Օհանյանի, Արմեն Մեսրոպյանի, Հովհաննես Դարբինյանի, Վարդգես Նիկողոսյանի վերաբերյալ քրեական գործը: Այն ընդունվեց դատավոր Սամվել Մարդանյանի վարույթ:
Նրանց մեղադրանք էր առաջադրվել այն բանի համար, որ 02.04.2020 թվականից մինչեւ 16.06.2021 թվականը հանդիսանալով ՀՀ ՊՆ զորամասի պայմանագրային զինծառայողներ, 2021 թվականի մարտի 18-ից մարտի 23-ն ընկած ժամանակահատվածում, մարտական դիրքում, զինվորական ծառայության պարտականությունները կատարելու ընթացքում համածառայակիցներով՝ «խմբով ծխելու եղանակով ապօրինի գործածել են կաննաբինոիդների խմբին պատկանող թմրալկալոիդներ պարունակող թմրամիջոց»: Նրանց առաջադրվել է մեղադրանք՝ ՀՀ քրեական օրենսգրքի 364.2-րդ հոդվածի 2-րդ մասի հատկանիշներով:
Շարքայիններն ամուսնացած են, Աշոտ Օհանյանի խնամքին 2 անձ կա, Հովհաննես Դարբինյանի խնամքին երեք անձ, Արմեն Մեսրոպյանը մյուսների նման նախկինում չդատված է: Վարդգես Նիկողոսյանն ամուսնացած չէ:
Անդրանիկ դատական նիստը նշանակվել էր անցյալ տարվա մարտի 22-ին:
Կարդացեք նաև
4-ի նկատմամբ ընտրված խափանման միջոցը՝ ստորագրություն չհեռանալու մասին, մնացել է մինչ օրս անփոփոխ: Ինը դատական նիստ է մինչ օրս հրավիրվել, հաջորդ նիստը նշանակվել է հուլիսի 6-ին:
Ռուզան ՄԻՆԱՍՅԱՆ
«Առավոտ» օրաթերթ
02.06.2023
