ՀՀ կենտրոնական ընտրական հանձնաժողովին 2022 թվականի պետական բյուջեով հատկացվել է 1 միլիարդ 268 միլիոն 369 հազար դրամ, ծախսվել է 854 միլիոն 895 հազար դրամը: Չիրացված գումարը փոխանցվել է ՀՀ պետբյուջե, որից 320 միլիոն դրամը՝ կառավարության պահուստային ֆոնդ. այս մասին այսօր խորհրդարանում, հանձնաժողովների համատեղ նիստում, 2022 թվականի բյուջեի կատարողականի ժամանակ ասաց ԿԸՀ նախագահ Վահագն Հովակիմյանը:
ԿԸՀ-ի տնտեսումները եղել են ազատ աշխատատեղերի, էներգետիկ, կապի ծառայությունների, գործուղումների, հանձնաժողովի անդամների մասնագիտական վերապատրաստումների հաշվին: ԿԸՀ-ում ազատ աշխատատեղերը համալրվել են 2022 թվականի երկրորդ կիսամյակում:
Տնտեսում է եղել նաեւ ՏԻՄ ընտրությունների կազմակերպման արդյունքում՝ 827 միլիոն 533 հազար դրամ: Խնդիրն այն է, որ համայնքների խոշորացման արդյունքում, հանրապետության մի շարք բնակավայրերում նախատեսված ընտրությունները չեն կայացել:
2022 թվականին ՀՀ 9 մարզերի 19 համայնքներում կայացել են 18 համամասնական եւ մեկ մեծամասնական ընտրություններ եւ որեւէ դեպքում ընտրությունների արդյունքները չեն վիճարկվել: Սա, Վահագն Հովակիմյանը համարում է ԿԸՀ-ի աշխատանքի լավագույն գնահատականը՝ դրական առումով:
Կարդացեք նաև
Նելլի ԳՐԻԳՈՐՅԱՆ
