Առերեւույթ պետական դավաճանության գործով ՀՀ վարչապետ Նիկոլ Փաշինյանը հարցաքննվել է որպես վկա. այս մասին այսօր խորհրդարանում ասաց ՀՀ քննչական կոմիտեի նախագահ Արգիշտի Քյարամյանը՝ պատասխանելով «Հայաստան» խմբակցության պատգամավոր Արծվիկ Մինասյանի հարցին:
Հիշեցնենք, խորհրդարանում, հանձնաժողովների համատեղ նիստերում, քննարկվում է 2022 թվականի բյուջեի կատարողականը:
Հիշեցնենք նաեւ, որ խորհրդարանում, Արծվիկ Մինասյանի հարցին ի պատասխան, Նիկոլ Փաշինյանն ասել էր, որ հարցաքննվել է առերեւույթ պետական դավաճանության գործով:
2022 թվականի ապրիլի 13–ին ԱԺ–ում Նիկոլ Փաշինյանի՝ «այո, կարելի էր կանխել պատերազմը, եւ կունենայինք նույն արդյունքը, բայց առանց զոհերի» հայտարարությունից հետո, զոհված զինծառայողների ծնողները քրեական գործ հարուցելու մասին միջնորդություն էին ներկայացրել դատախազություն․ ծնողները ճանաչվել են տուժողների իրավահաջորդներ, պահանջում են որպես մեղադրյալ ներգրավել Նիկոլ Փաշինյանին։ Փաստաբան Հակոբ Մարտիրոսյանն ու ԱԺ «Հայաստան» խմբակցության պատգամավոր Արծվիկ Մինասյանը հանցագործության մասին հաղորդում էին ներկայացրել՝ պահանջելով քրեական գործ հարուցել վարչապետ Նիկոլ Փաշինյանի կողմից կատարված առերեւույթ պետական դավաճանության փաստի առթիվ։
Կարդացեք նաև
Նելլի ԳՐԻԳՈՐՅԱՆ
