Երեւանի ընդհանուր իրավասության դատարանի Շենգավիթ նստավայրում դատավոր Դավիթ Բալայանի նախագահությամբ այսօր շարունակվեց ՊՎԾ նախկին պետ Դավիթ Սանասարյանի գործով դատական նիստը:
Դատարանը Տարոն Ավետիսյանի նախաքննական ցուցմունքներով ավարտեց գործով անցնող ամբաստանյալների նախաքննական ցուցմունքների հրապարակման փուլը եւ անցավ հակասությունների վերաբերյալ Տարոն Ավետիսյանի հարցաքննությանը:
Ամբաստանյալը, իր պաշտպանի նախապես կազմված հարցերի պատասխաններն ընթերցելուց հետո, ինչը օրենքով չի արգելվում, այնուհետեւ օգտվելով իր դատավարական կարգավիճակից՝ հրաժարվեց պատասխանել մյուս պաշտպանների եւ մեղադրող կողմի հարցերին, սակայն պատասխանեց դատավորի հարցերին:
Դատավոր Բալայանը հաջորդ ամբաստանյալ Գեւորգ Խաչատրյանի հարցաքննությունը հետաձգեց հաջորդ դատական նիստ, որը կկայանա հունիսի 12-ին ժամը 10:30-ին:
Կարդացեք նաև
Աշոտ ՀԱԿՈԲՅԱՆ
