Վրաստանը սատարում է խաղաղ բանակցությունները Հայաստանի և Ադրբեջանի միջև, դրանք համապատասխանում են ամբողջ Հարավային Կովկասի շահերին: Այս մասին Մոլդովայում հայտարարել է Վրաստանի վարչապետ Իրակլի Ղարիբաշվիլին:
«Վրաստանի դիրքորոշումն ու դերը շատ չեզոք և անկանխակալ է մեր տարածաշրջանում կայունություն և խաղաղության ամրապնդման համատեքստում: Մենք հիանալի հարաբերություններ ունենք ինչպես Ադրբեջանի, այնպես էլ Հայաստանի հետ: Վրաստանը 2021թ. կատարեց շատ կարևոր և, ըստ էության, առաջին հաջող միջնորդությունը Ադրբեջանի և Հայաստանի միջև զինված հակամարտությունից հետո: Մենք աջակցում ենք երկու երկրների միջև խաղաղ երկխոսությանը և բանակցություններին: Ես կարծում եմ, որ դա բխում է մեր տարածաշրջանի շահերից»,- ասել է Ղարիբաշվիլին լրագրողներին:
Պատրաստեց Վիկտորյա ԱՆԴՐԵԱՍՅԱՆԸ
