«Քաղաքացիական պայմանագիր» խմբակցության պատգամավոր, խմբակցության մեդիա պատասխանատու Արթուր Հովհաննիսյանի ֆեյսբուքյան գրառումը
Ներքին գործերի նախարարի հետ ԱԺ-ում քննարկեցինք ավտոմեքենաների լուսաթափանցելիության մասին գործող օրենքի կիրառմանը և վերահսկողությանը վերաբերող հարցերը։
Հաշվի առնելով, որ վարորդների շրջանում իրազեկման, պատշաճ վերահսկողության հետ կապված աշխատանքների իրականացման ժամանակահատվածը կարճ է հունիսի 1-ից ողջ ուժով կիրառելու համար` թե՛ իմ, թե՛ «Քաղաքացիական պայմանագիր» խմբակցության մի շարք պատգամավորների կողմից առաջարկ է հնչել հունիսի 1-ից կիրառել հնարավորինս նվազ վարչական ներգործության միջոց։
Հարկ է ընդգծել, որ մեր օրենսդրությունը պետք է համապատասխանի միջազգային նորմերին, ուստի մենք չենք կարող խոսել 30%-ի շեմը փոփոխելու, այլ դրա կիրառման և վարչական ներգործության ձեւի մասին։
Կարդացեք նաև
Քննարկումները կշարունակվեն ՆԳՆ-ԱԺ պաշտպանության և անվտանգության հանձնաժողով ձևաչափով։
