«2020 թվականի պատերազմը բոլոր առումներով 2016 թվականի պատերազմի շարունակությունն էր»,- Ժողովրդավարության հայկական երկրորդ ֆորումում ասաց վարչապետ Նիկոլ Փաշինյանը։
«Այլ բան, որ եթե ասեք՝ ժողովրդավարությունը չկարողացավ այնպես անել, որ այդ պատերազմը տեղի չունենար։ Ի վերջո, չմոռանանք՝ 2016 թվականի ապրիլին Սերժ Սարգսյանը՝ որպես վարչապետի թեկնածու, այդ պատերազմի անոնսն արել էր։ Եվ սա շատ կարեւոր ըմբռնում է»,- ասաց նա։
Անդրադառնալով իր իշխանության գործողություններին՝ Փաշինյանն ասաց․ «Ինչո՞ւ ժողովրդավարական իշխանությունը չկարողացավ խուսափել պատերազմից, որովհետեւ իշխանությունն առերեսվեց Ղարաբաղի հարցի ճշմարտության մի ծավալի հետ, որն անմարսելի էր առաջին հերթին հրապարակից եկած իշխանության եւ էլ ավելի անմարսելի էր հանրության համար։ Սա է ֆունդամենտալ պատճառը, որովհետեւ երբ տեսնում ես, թե ինչ կա կարգախոսների տակ, դա իրականում անմարսելի է»։
Ռոզա ՀՈՎՀԱՆՆԻՍՅԱՆ
