2007 թվականին ընդունել ենք Հայոց ցեղասպանությունը ճանաչող օրենք, որով նախատեսված է գործողություն, հարգանք եւ մարդկանց իրավունքների պաշտպանություն: Արգենտինայի Հանրապետությունում ունենք մեծ հայկական համայնք, որն ինտեգրված է մեր հասարակությունում: Մենք` որպես օրենսդիր մարմնի ներկայացուցիչներ, պետք է ջանքեր գործադրենք, որպեսզի կարողանանք աջակցել ձեր երկրին` դուրս գալու այս դժվարին իրավիճակից: Ցանկանում ենք զարգացնել դիվանագիտական, տնտեսական կապերը. ասել է Արգենտինայի Հանրապետության սենատոր, Սենատի Արգենտինա-Հայաստան բարեկամական խմբի նախագահ Գիժերմո Անդրադան:
Նրա գլխավորած պատվիրակությունը մայիսի 30-ին այցելել է Ծիծեռնակաբերդի հուշահամալիր:
Հյուրերին ուղեցել են ԱԺ Հայաստան-Արգենտինա բարեկամական խմբի ղեկավար Իշխան Սաղաթելյանը, խմբի անդամներ Էլինար Վարդանյանը, Հասմիկ Հակոբյանը, Արման Ղազարյանը եւ Սերգեյ Բագրատյանը:
Խորհրդարանականները ծաղիկներ են խոնարհել Հայոց ցեղասպանության զոհերի հիշատակը հավերժացնող անմար կրակի մոտ, լռությամբ հարգել Սուրբ նահատակների հիշատակը:
Կարդացեք նաև
Բարեկամական խմբի անդամները եղել են նաեւ Հայոց ցեղասպանության թանգարան-ինստիտուտում, ծանոթացել Եղեռնի մասին հավաստող վավերագրերին, դիտել ցուցանմուշները:
Հյուրերը եղել են նաեւ Եռաբլուրում եւ ծաղիկներ խոնարհել հայրենիքի համար զոհված քաջորդիների հիշատակին:
ԱԺ
