Այսօր իր կազմակերպած «Կանայք հանուն համազգային միասնության» հավաք-քննարկման ժամանակ ՀՀ պաշտպանության նախկին նախարար Սեյրան Օհանյանի կինը՝ Ռուզաննա Խաչատրյանը խոսեց իշխանության՝ կոռուպցիայի դեմ պայքարի քաղաքականությունից։
«Կոռուպցիայի դեմ պայքարը, եթե չկան ամբողջ կանխարգելման մեխանիզմները եւ ինստիտուտները, միայն լոզունգ է։ Իսկ եթե դու արդեն ստեղծել ես դատարանները, բայց դեռ չկան ինստիտուտները․․․ անձի ֆինանսական հայտարարագրումը․․․ Դեռ քաղաքացիները չեն հայտարարագրում, դեռևս անկանխիկ գործարքներ գնում են, դեռեւս քաղաքացիները կրեդիտ-քարտից օգտվելու նրբությունները չգիտեն, դու ինչպե՞ս ես անմիջապես դատարաններ ստեղծում եւ ինչպես են մարդիկ արդարանալու, եթե չկան այդ մեխանիզմները»։
Նրա խոսքով՝ եթե չկան համապատասխան կանխարգելման ինստիտուտներն ու դու իշխանությունն արդեն դատարան է ստեղծել, դա նշանակում է ստեղծել ես, Խաչատրյանի խոսքով՝ ռեկետ մի խմբավորում․«Ինֆորմացիա ես ստացել պետության մեջ գոյություն ունեցող մի հազար- երկու հազար ընտանիքի մասին, ես չգիտեմ՝ ով ինչի է տիրապետում, եւ փորձելու ես նրանց ձեռքից վերցնել, որովհետեւ հետխորհրդային տարածքներում որեւէ մեկը որեւէ ձեւով չի կարող շատ բաներ ապացուցել։ Սա իմ ենթադրությունն է։ Ժամանակն ամեն ինչ իր տեղը կդնի։ Դա հասարակության վրա ճնշում գործադրելու, մարդկանց ունեզրկելու մի գործընթաց է եւ մարդկանց պետք է բացատրել, որ յուրաքանչյուրն այդ վտանգի տակ է, յուրաքանչյուրին կարող են ասել՝ որտեղից քեզ այդ զգեստը կամ կոշիկը։ Կենցաղի մակարդակի, քո պետությունն արդյո՞ք պատրաստ է այդ մարտահրավերներին, որ դու ուզում ես մարդկանց գեղեցիկ հագնվելու համար քեզ հաշիվ տան, թե որտեղից է։ Իսկ ո՞վ է ասել, որ եթե ինչ-որ մեկը գեղեցիկ զգեստ է ձեռք բերել, գողացել է»։
Կարդացեք նաև
Նելլի ԲԱԲԱՅԱՆ
