«Ես չեմ հավատում, որ խաղաղության մասին խոսացող տիկինը խաղաղություն է բերելու»,-այսօր այս մասին իր իսկ հրավիրած «Կանայք հանուն համազգային միասնության» հավաք-քննարկման ժամանակ ասաց ՀՀ պաշտպանության նախկին նախարար Սեյրան Օհանյանի կինը՝ Ռուզաննա Խաչատրյանը՝ նկատի ունենալով Նիկոլ Փաշինյանի տիկնոջը՝ Աննա Հակոբյանին։
«Չի բերելու խաղաղություն։ Եթե չկան նախապայմաններ խաղաղության համար, դա լոկ բառ է։ Խաղաղությունը սպիտակ դրոշ չէ, որ թափահարես հակառակորդի առաջ, ինքն էլ քեզ կասի՝ տե՛ս, ինքը սպիտակ դրոշով եկավ, եկեք աղուհացով դիմավորենք։ Չկա այդպիսի բան։ Խաղաղությունը համարյա երեսուն տարի մեր անկախ պետությունը պարտադրել է»,-ասաց Խաչատրյանը։
Թե իր նախաձեռնությունն արդյո՞ք հաջողություն կունենա, կկարողանա համախմբել մարդկանց, խաչատրյանն ասաց․«Ի՞նչ կարծիքի եք, եթե մենք այսպիսի խորհրդակցությունների շարք սկսենք, հանդիպումներ սկսենք մեր համախոհների հետ, ավելի առարկայական եւ մեծ ծավալներով, եւ տեսնենք՝ ովքեր են Ազգային ժողովի այդ 70 հոգու սատարողները։ Ես կարծում եմ իրենք փոքրամասնություն են։ Ես իմ համախոհների հետ, բոլոր այն մարդկանց հետ, որոնք վիրտուալ շփումից կանցնեն արդեն կենդանի շփումների, կփորձենք։ Կարծում եմ՝ կստացվի։ Կգա՞ն մեզ հետ հաշվի նստելու, մենք իրենց կհրավիրենք, կասենք՝ եկեք մենք եւ դուք, ցույց տվեք տեղը․․․ Ես հավատում եմ, որ «Կանայք հանուն համազգային միասնության» այս կոչն ընդունողներն ավելի շատ են, քան այսօրվա հավաքի ներկայացուցիչները»։
Կարդացեք նաև
Մանրամասները՝ տեսանյութում
Նելլի ԲԱԲԱՅԱՆ
