Բուլղարիայի Վառնա առողջարանային քաղաքում մեկնարկել է սպորտային մարմնամարզության World Challenge Cup միջազգային մրցաշարը, որին մասնակցում են 22 երկրների ավելի քան 100 մարզիկներ: Հայաստանը ներկայացնում են ազգային հավաքականի անդամներ, օլիմպիական խաղերի բրոնզե մեդալակիր, աշխարհի ու Եվրոպայի չեմպիոն, աշխարհի գավաթակիր Արթուր Դավթյանը եւ Արթուր Ավետիսյանը:
Արթուր Դավթյան
Մեր երկու մարզիկներն էլ հաղթահարել են որակավորման փուլը եւ մտել ուժեղագույնների 8-յակ: Դավթյանը հանգստյան օրերին կայանալիք եզրափակիչներում հանդես է գալու ազատ վարժություններում, նժույգթափերում եւ օղակներում, իսկ Ավետիսյանը՝ օղակներում:
Արթուր Ավետիսյան
Մեր թիմի մարզիչը Հայկ Նազարյանն է, իսկ ազգային հավաքականի գլխավոր մարզիչ Հակոբ Սերոբյանին մարզաձեւի միջազգային ֆեդերացիան ընդգրկել է մրցավարների խմբում:
Աշոտ ՀԱԿՈԲՅԱՆ
