ՀՀ պաշտպանության նախարար Սուրեն Պապիկյանի` ՀԱՊԿ ՊՆ ղեկավարների նիստին չմասնակցելը կապ չունի Հայաստան-ՀԱՊԿ հարաբերությունների հետ. խորհրդարանում լրագրողների հետ զրույցում հայտարարել է իշխող «Քաղաքացիական պայմանագիր» խմբակցության քարտուղար Արթուր Հովհաննիսյանը: Լրագրողները հետաքրքրվել են՝ արդյոք այդպիսով Հայաստանը ՀԱՊԿ-ց դուրս գալու գործընթացին մեկնարկ է տալիս: Պատգամավորը հիշեցրել է, որ ՀԱՊԿ-ից դուրս գալու գործընթաց Հայաստանը դեռ չի նախատեսում:
The 5th session of the 8th convocation of the National Assembly took place at the RA NA
«Մանրամասներին չեմ տիրապետում, վստահ եմ, որ քաղաքական մեկնաբանություն չկա այս հարցի վերաբերյալ։ Կարծում եմ, դրանք կապ ունեն պաշտպանության նախարարի այլ գործերի, տեխնիկական այլ հարցերի հետ»,–ասել է իշխող խմբակցության քարտուղարը:
Հիշեցնենք, Բելառուսի մայրաքաղաք Մինսկում ընթանում է Հավաքական անվտանգության պայմանագրի կազմակերպության անդամ երկրների պաշտպանության նախարարների նիստը։ ՀՀ պաշտպանության նախարար Սուրեն Պապիկյանի փոխարեն՝ Բելառուսի մայրաքաղաք է մեկնել կազմակերպության միացյալ շտաբում Հայաստանի պաշտպանության նախարարության ներկայացուցիչ Արտակ Տոնոյանը։ Նիստին մասնակցում են ՀԱՊԿ գլխավոր քարտուղար Իմանգալի Տասմագամբետովը և ՀԱՊԿ միացյալ շտաբի պետ Անատոլի Սիդորովը։
Նելլի ԳՐԻԳՈՐՅԱՆ
