Freedom House միջազգային իրավապաշտպան կազմակերպությունը հրապարակել է Ազգերը անցումային շրջանում «War Deepens a Regional Divide» վերտառությամբ տարեկան զեկույցը: Այս զեկույցում գնահատվում է Կենտրոնական Եվրոպայում և Կենտրոնական Ասիայում ժողովրդավարության մակարդակը: Ըստ զեկույցի՝ Հայաստանը բարելավում է գրանցել՝ երկրի վարկանիշը գնահատվել է 3.11՝ յոթ բալանոց սանդղակով: Նախորդ տարի զեկույցը Հայաստանին գնահատել էր 3.04: Հայաստանը 2023թ. զեկույցում ընդգրկված միակ երկիրն է, որը բարելավում է գրանցել մեկից ավելի ցուցանիշներում:
Զեկույցում մասնավորապես նշվում է.
«Ռուսաստանի ներխուժումը Ուկրաինա ողջ աշխարհին ահազանգեց էքզիստենցիալ սպառնալիքի մասին, որը կարծրացող բռնապետությունը կարող է ներկայացնել ժողովրդավարական նկրտումներ ունեցող հարևան պետությունների համար: Սակայն նմանատիպ սցենար է ծավալվում Կովկասում, որը շատ ավելի քիչ ուշադրության է արժանանում:
2020 թ. Ադրբեջանի զինուժը հետ գրավեց Լեռնային Ղարաբաղի մի մասը, որը այդ երկրի մի շրջանն էր, բայց 1994թ. ադրբեջանական զորքերին ջախջախելուց հետո գտնվում էր տեղի էթնիկ հայկական ուժերի վերահսկողության ներքո: 2020 թ. հաղթանակից հետո Ադրբեջանի նախագահ Իլհամ Ալիևի ռեժիմը շարունակեց իր տարածքային նկրտումները ռազմական միջոցներով։ 2022 թ. այն ներխուժեց Հայաստանի Հանրապետություն, իսկ 2023թ.-ի սկզբին էլ ավելի մեկուսացրեց Լեռնային Ղարաբաղում մնացած էթնիկ հայերին՝ արգելափակելով կարևոր ճանապարհային կապը «բնապահպանական ցույցերի» անվան տակ»:
Կարդացեք նաև
Զեկույցը ամբողջությամբ հասանելի է հետևյալ հղմամբ:
Մամուլի հաղորդագրություն
