«Այսօր մենք պիտի ընտրություն կատարենք պատերազմի և խաղաղության միջև։ Եթե հաշվի առնենք, որ պատերազմը Ադրբեջանի և Թուրքիայի դեմ է, որ Ռուսաստանի այսօրվա վիճակից պարզ է նրանց հնարավոր օգնության չափը, որ տեսնում ենք թե ինչ է մտածում միջազգային հանրությունը, տեսնում ենք, որ տարածքային ամբողջականությունն ավելի հաճախ է հանդիպում, քան ազգերի ինքնորոշումը, ստացվում է, որ պատերազմը հավասար է արկածախնդրության»,- այս մասին այսօր Ազգային ժողովում լրագրողների հետ զրույցում հայտարարեց ՀՀ ԱԺ Քաղաքացիական պայմանագիր խմբակցության պատգամավոր Գևորգ Պապոյանը’ հավելելով, որ իրենց թիմն ընտրում է խաղաղության օրակարգին հասնելու ճանապարհը, որն այլընտրանք չունի։
Պատգամավորը փոխանցեց, որ լսել է Նիկոլ Փաշինյանի մամուլի ասուլիսը և ընդդիմադիր պատգամավորների դրան հաջորդած քննադատությունները։ Նրա խոսքով, այդ քննադատությունները ոչնչի մասին էին, չի լսել գեթ մեկ հուշող առաջարկ, որը կստիպեր մտածել, որ իրենք իշխող թիմով ինչ-որ բան սխալ են անում, կարելի է այլ կերպ փորձել։
«Ես հավելեմ, որ պատերազմի դեպքում վտանգի ենք ենթարկելու անկախ Հայաստանի գոյությունը, իսկ մեր համար առաջնային է հայի իր երկրում ապրելու իրավունքը։ Իսկ այս վիճակին Հայաստանը բերել են այն ուժերը, որ տարիներ շարունակ լուռ բանակցել են Հայաստանի ու Արցախի տարածքները զիջելու մասին, միաժամանակ թալանել են Հայաստանն ու Արցախը, իսկ բանակն էլ չեն հզորացրել»,- ասաց Պապոյանը։
Իշխող ուժի անդամը պնդում է, որ պատերազմից հետո Ադրբեջանն այս կարճ ժամանակահատվածում արդեն միլիարդների հասնող ներդրումներ է արել Աղդամում’ զարմանալով, արդյոք 20-25 տարում մի քանի հարյուր հազար դրամի ներդրում արել էին նախորդ իշխանությունները։
Կարդացեք նաև
Մանրամասները’ տեսանյութում
Նելլի ԳՐԻԳՈՐՅԱՆ
