Մենք անընդհատ մեր տնտեսագետներից լսում ենք, որ Հայաստանի տնտեսությունը վերջին տարիներին աճում է իր պոտենցիալից ավելի, այսինքն` մեր իրական պոտենցիալը շատ ավելի պակաս է, քան աճում է մեր տնտեսությունը: Այս մասին այսօր կառավարության նիստում հայտարարեց Նիկոլ Փաշինյանը:
Երբ ՀՀ էկոնոմիկայի նախարար Վահան Քերոբյանը ներկայացնում էր «Տնտեսության արդիականացման միջոցառման» մասին կառավարության որոշման նախագիծը՝ Նիկոլ Փաշինյանը «խաչաձև հարցախույզ արեց» Քերոբյանին, հորդորեց կառավարության յուրաքանչյուր նախագծի մասին դետալային իրազեկում ապահովել, քանի որ նա կարծում է, որ «Կարող է շնչահեղձ լինել տնտեսությունը, և մենք ուզում են, որ մեր զարգացման պոտենցիալն ավելանա», իսկ հասարակությունը բավարար տեղյակ չէ դրա մասին::
Անդրադառնալով ներկայացված ծրագրին, Փաշինյանն ասաց. «Մարդը ընկերություն ունի և ուզում է բարձր որակավորում ունեցող մասնագետ հրավիրել աշխատանքի: Եթե այդ մասնագետը, որը ունի PHD. իրենից ամսական 2 մլն դրամ աշխատավարձ է ուզում, այդ դեպքում կառավարությունն այդ աշխատավարձի 50 տոկոսը, այսինքն` մեկ մլն դրամը տալիս է և կիսով չափ գործատուի համար աշխատուժն էժան է նստում, իսկ արդյունքները ամբողջությամբ գործատուինն է: Կառավարությունն էլ դրա արդյունքում ձևավորված արժեքի տերն է»:
Նշենք, որ այս ծրագիրը երեք տարով է, այսինքն` կառավարությունը երեք տարի 50 տոկոսով ֆինանսավորում է բարձրակարգ աշխատողների աշխատավարձը:
Կարդացեք նաև
Լուսինե ՄԱՐԳԱՐՅԱՆ
