Ռուսաստանի արտգործնախարար Սերգեյ Լավրովը «Ցարգրադ» հեռուստաալիքին տված հարցազրույցում հայտարարել է, որ եթե Հայաստանը համաձայներ իր տարածքում ՀԱՊԿ առաքելության տեղակայմանը, կստանար առավել կայուն իրավիճակ:
«Մենք պատրաստ էինք նույն կերպ, ինչպես Ղազախստանին, օգնելու ՀԱՊԿ այնպիսի անդամի, ինչպիսին Հայաստանն է: 2022թ. աշնանը Երևանում կազմակերպության գագաթնաժողովում ներկայացվեց փաստաթուղթ Հայաստանի տարածքում ՀԱՊԿ դիտորդական առաքելության տեղակայման մասին՝ համաձայն մեր հայ դաշնակիցների խնդրանքի: Փաստաթուղթն ամբողջությամբ համաձայնեցված էր արտաքին գործերի նախարարների մակարդակով: Հետո գագաթնաժողովի վերջին պահին մեր հայ բարեկամները խնդրեցին հետաձգել դրա ընդունումը: Մինչ այժմ այն մնացել է թղթի վրա և չի կարող իրականացվել: Բայց եթե Երևանը հաստատեր այն, ինչն արդեն համաձայնեցվել է և պատրաստ է ստորագրման և ուժի մեջ մտնելուն, համոզված եմ, որ Հայաստանը կշահեր և կստանար առավել կայուն իրավիճակ»,- ասել է Լավրովը:
Նա նաև համաձայնվել է լրագրողի այն դիտարկմանը, որ ԱՄՆ-ը և նրա դաշնակիցները ցանկանում են «ճոճել» իրավիճակը ԱՊՀ տարածքում:
«Նրանք ոչ միայն դա ցանկանում են, այլև ակտիվորեն զբաղվում են դրանով: Գիտեմ, որ հայերին (մենք ունենք այդպիսի տեղեկություն) նրանք ասում են, թե եկեք մեզ մոտ, դուրս հանեք ռուսներին ձեր տարածքից, այդ թվում սահմանապահներին, հանեք ռազմաբազան, ամերիկացիները կարող են օգնել ապահովել ձեր անվտանգությունը: Բացահայտ սադրանք: Սա արդեն դիվանագիտություն չէ»,- ասել է Լավրովը:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
