Դատական նիստի ժամանակ հանկարծամահ եղած պրոդյուսեր Արմեն Գրիգորյանի գործով նիստն էր այսօր։ Արմեն Գրիգորյանի որդին դատարանից պահանջում է արդարացնել հորը։
Այսօրվա դատական նիստում գործով վկա Հունան Հակոբյանն ասաց․«Մարդը մահացել, գնացել է, փակեք գործը, աստված թող դատավոր լինի։ Ես ուրախ կլինեի, եթե ինքը կենդանի լիներ, կուզեի մի երկու բառ ասել՝ թե, այ ախպեր ջան, Շիրակի մարզի ժողովուրդը որտե՞ղ ես տեսել թուրք։ Ես հպարտ եմ որ հայ եմ, կրկնակի հպարտ եմ, որ շիրակցի եմ։ Մինչեւ սրտիս խորքը վիրավորվել եմ Արմեն Գրիգորյանի խոսքերից, երբ շիրակցիներին թուրք է անվանել։ Շիրակցի, կոտայքցի, գեղարքունիքցի, սյունիքցի․․․ պետք չէ էդպես»։
Վկան ասաց, որ ինքն անձամբ էր գնացել Գրիգորյանին տեսնելու, երբ ընդդիմադիրները հանրահավաք էին անում Շիրակի մարզում․«Գնացել էի տեսնեի, ասեի՝ ես էլ եմ հայ, դու էլ ես հայ, հիմա դու իմ մեջ ի՞նչ թուրք ես տեսել, որ ասել ես Շիրակի մարզի ժողովուրդը թուրք է։ Ինչի՞ եմ թուրք»։
Փաստաբան Ռուբեն Մելիքյանը վկայից հետաքրքրվեց, թե ինչպես է ստացվել, որ իրեն հրավիրել են դատարան՝ որպես վկա, վերջինս պատասխանեց՝ չգիտեմ։
Կարդացեք նաև
Նելլի ԲԱԲԱՅԱՆ
