2023 թվականի Եվրոպայի օրվան նվիրված միջոցառումներն այս տարի կանցկացվեն մայիսի 15-ից 26-ը Երևանում, ինչպես նաև Սյունիքում և այլ մարզերում։
Եվրոպայի օրվա միջոցառումներն այս տարի կանցկացվեն՝ կարևորելով «Եվրոպայի թիմ» նախաձեռնությունը, երիտասարդների հմտությունները և եվրոպական մշակույթը:
Եվրոպական ֆիլմերի փառատոնն անցկացվելու է Երևանի կինոյի տանը (հասցե՝ Վարդանանց 18) մայիսի 16-ից 22-ը։ Մուտքն անվճար է և ազատ հանրության համար։ Կցուցադրվեն Հայաստանում հավատարմագրված` (նստավայր ունեցող) ԵՄ անդամ պետությունների արտադրության 13 մրցանակակիր ֆիլմեր՝ անգլերեն և հայերեն ենթագրերով։
Փառատոնի մասին հավելյալ տեղեկատվություն՝ https://europa.eu
Կարդացեք նաև
«Թիմ Եվրոպա» նախաձեռնության շրջանակներում մայիսի 18-ին և 19-ին Սյունիքում տեղի կունենան միջոցառումներ։ «Դիմակայուն Սյունիք թիմ Եվրոպա» նախաձեռնությունը Եվրոպական միության, Եվրոպական ներդրումային բանկի և ԵՄ անդամ երկրների՝ Ավստրիայի, Չեխիայի, Էստոնիայի, Ֆինլանդիայի, Ֆրանսիայի, Գերմանիայի, Լիտվայի, Նիդեռլանդների, Լեհաստանի և Շվեդիայի համատեղ նախաձեռնությունն է, որին միացել է նաև Շվեյցարիան՝ որպես արտաքին գործընկեր։ Այս նախաձեռնության հիմնական նպատակն է նպաստել Սյունիքի մարզի կայուն սոցիալ-տնտեսական և ինստիտուցիոնալ զարգացմանը՝ տեղական զարգացման առաջնահերթություններին համապատասխան:
«Թիմ Եվրոպա» նախաձեռնության շրջանակներում մայիսի 18-ին ժամը` 15:30-ից Կապանում կկայանա տոնավաճառ, որի ընթացքում «Թիմ Եվրոպա» նախաձեռնության ֆինանսավորմամբ ավելի քան 20 ծրագրեր կներկայացնեն սյունեցիների կենսապայմանների համար դրական ազդեցությունը տարբեր ոլորտներում: Տոնավաճառի ընթացքում տեղի կունենան նաև տեղական մշակութային ներկայացումներ և ռոք համերգ, ինչպես նաև մրցույթներ՝ նշելու և հանրությանն իրազեկելու Եվրոպական միության մասին։
Հաջորդ օրը՝ մայիսի 19-ը, նվիրված է Գորիսում անցկացվելիք թեմատիկ քննարկումներին՝ ուղղված ինչպես սոցիալական աշխատողներին, այնպես էլ երիտասարդներին։
ԵՄ դեսպանի հետ միասին, այս միջոցառումների համար Սյունիք կմեկնեն «Եվրոպայի թիմ»-ի ավելի քան 13 պետությունները ներկայացնող դեսպաններ և/կամ այլ ներկայացուցիչներ:
Լրացուցիչ միջոցառումներ մարզերում կազմակերպվել են Երիտասարդ եվրոպացի դեսպանների կողմից՝ իրենց համայնքներում, և հիմնականում կենտրոնացած են այս տարվա «Հմտությունների տարի» համաշխարհային թեմայի վրա: Միջոցառումների վայրերի, թեմաների և ծրագրերի մասին մանրամասները կներկայացվեն Հայաստանում ԵՄ պատվիրակության սոցիալական ցանցերի էջերում՝ նախապես և ընթացքում։
Ֆեյսբուքյան էջ՝ facebook.com/eudelegationtoarmenia
Թվիթերյան էջ՝ twitter.com/eu_armenia
Ինստագրամ՝ euinarmenia
2023 թվականի Եվրոպայի օրվա միջոցառումների մասին հավելյալ տեղեկատվության համար՝ Հայաստանում ԵՄ պատվիրակության հաղորդակցության համակարգող Սյուզան Մարուխյան [email protected]
Լրատվամիջոցների հարցումների համար՝ Հայաստանում ԵՄ պատվիրակության մամուլի և տեղեկատվության պատասխանատու Անահիտ Ազատյան՝ [email protected]
ԻՆՉ Է ԽՈՐՀՐԴԱՆՇՈՒՄ ԵՎՐՈՊԱՅԻ ՕՐԸ
Ամեն տարի մայիսի 9-ին անցկացվող Եվրոպայի օրը խորհրդանշում է խաղաղությունն ու միասնությունը Եվրոպայում: Ամսաթիվը նշում է պատմական «Շումանի հռչակագրի» տարեդարձը, որը մատնանշում էր նրա գաղափարը Եվրոպայում քաղաքական համագործակցության նոր ձևի մասին, որն անհնարին կդարձներ պատերազմը Եվրոպայի ժողովուրդների միջև: Շումանի առաջարկը համարվում է այսօրվա Եվրոպական միության սկիզբը։
ԻՆՉ Է ԹԻՄ ԵՎՐՈՊԱՆ
«Դիմակայուն Սյունիք թիմ Եվրոպա» նախաձեռնությունը Եվրոպական միության, Եվրոպական ներդրումային բանկի և ԵՄ անդամ երկրների՝ Ավստրիայի, Չեխիայի, Էստոնիայի, Ֆինլանդիայի, Ֆրանսիայի, Գերմանիայի, Լիտվայի, Նիդեռլանդների, Լեհաստանի և Շվեդիայի համատեղ նախաձեռնությունն է, որին միանում է նաև Շվեյցարիան, որպես արտաքին գործընկեր։ Այս նախաձեռնության հիմնական նպատակն է նպաստել Սյունիքի մարզի կայուն սոցիալ-տնտեսական և ինստիտուցիոնալ զարգացմանը՝ տեղական զարգացման առաջնահերթություններին համապատասխան: Նախաձեռնությունն ունի մոտավոր հնգամյա բյուջե՝ 116 միլիոն եվրո արժողությամբ, որից 40 մլն՝ դրամաշնորհներ և 76 մլն եվրո՝ վարկեր»։
Հայաստանում ԵՄ պատվիրակություն
