«Դեպքեր կան, երբ ամբուլատոր քարտում նշված է, որ պատվաստված է, բայց կարմրուկով հիվանդացել են»,-այս մասին այսօր կառավարության նիստից հետո լրագրողների հետ ճեպազրույցում ասաց առողջապահության նախարար Անահիտ Ավանեսյանն՝ անդրադառնալով Հայաստանում հաստատված կարմրուկի դեպքերին։
Նախարարն ասաց, որ համաճարակաբանական հետազոտություն են անցկացնում, պարզելու՝ վարակվածներն ու այս պահին հիվանդները պատվաստում ստացե՞լ են, թե՞ ոչ, ինչպես նաեւ հետաքննություն է կատարվելու։
Ավանեսյանը հիշեցրեց, որ Գեղարքունիքի մարզում տարիներ առաջ (10 տարուց ավելի) դեպք է եղել, երբ բուժքույրը պատվաստումային խախտումներ է թույլ տվել․ «Այն ժամանակ հեռացվել է աշխատանքից, ծառայողական քննություն է եղել։ Բայց հիմա մենք իրականացնում ենք վերաիմունիզացիոն ծրագիր, եւ բոլորը, ովքեր տվյալ տարում պատվաստվել են, նորից կպատվաստվեն, կստանան երկրորդ պաշտպանիչ պատվաստումը»։
Կարդացեք նաև
Նելլի ԲԱԲԱՅԱՆ
