Ռուսաստանը Հայաստանին և Ադրբեջանին զսպվածության կոչ է արել: Լրագրողների հետ զրույցում Ռուսաստանի նախագահի մամուլի խոսնակ Դմիտրի Պեսկովն ասել է, որ իրենք «զուսպ մոտեցում» են ակնկալում, նաև նշել է, որ այսօր տեղի ունեցած լարվածության ֆոնին Ռուսաստանի նախագահի շփումներ Հայաստանի վարչապետի և Ադրբեջանի նախագահի հետ այս պահին նախատեսված չեն:
«Առայժմ այս պահին չկա, բայց շփումները շարունակվում են: Բառացիորեն երեկ չէ առաջին օրը Պուտինն առանձին զրույց ունեցավ Հայաստանի վարչապետ Փաշինյանի հետ, որը Մոսկվայում էր Հաղթանակի օրվա տոնակատարությունների առիթով, շարունակվում են շփումներն ադրբեջանական կողմի հետ: Ռուսաստանը շարունակում է կատարել իր գործառույթները, որոնք սահմանված են համաձայն եռակողմ փաստաթղթերի: Մենք, իհարկե, կողմերից ակնկալում ենք զուսպ մոտեցում և կոչ ենք անում չձեռնարկել գործողություններ, որոնք կարող են հանգեցնել լարվածության աճին: Մենք կշարունակենք մեր շփումները Բաքվի ու Երևանի հետ»,- ասել է Պեսկովը:
Պատրաստեց Վիկտորյա ԱՆԴՐԵԱՍՅԱՆԸ
