Հայ-թուրքական հարաբերությունների կարգավորումը պետք է լինի առանց նախապայմանների. այսօր Հաղթանակ զբոսայգում, լրագրողների հետ զրույցում ասաց ՀՀ ԱԽ քարտուղար Արմեն Գրիգորյանը՝ հավելելով, որ պաշտոնական Երեւանը հույս ունի, որ այդ հարաբերություններն առանց նախապայմանների էլ կկարգավորվեն:
Լրագրողի դիտարկմանը՝ Թուրքիայի ԱԳ նախարար Մեւլութ Չավուշօղլուն հայտարարել էր՝ եթե «Նեմեսիսի» արձանը չհանվի, իր երկիրը պատասխան քայլեր կանի. արդյոք դա ՀՀ ներքին գործերին միջամտություն չէ, ԱԽ քարտուղարը համաձայնեց՝ հավելելով. «Բնականաբար, դա Հայաստանի ներքին հարցն է և որևէ մեկը իրավունք չունի այդ հարցերում խառնվելու»:
Սակայն հարցին՝ ՀՀ իշխանությունը կհանի՞ արձանը, ԱԽ քարտուղարը հստակ պատասխան չտվեց. «Այդ հարցերը գտնվում են տեղական ինքնակառավարման դաշտում. ես որեւէ բան չունեմ ասելու այդ հարցով»:
Կարդացեք նաև
Նելլի ԳՐԻԳՈՐՅԱՆ
