«Այսինքն՝ ինչի՞ համար պետք է փոշմանեի․ ինչ-որ բա՞ն է փոխվել, երկրում անվտանգությունը, բարեկեցությունը փոխվե՞լ է»,- լրագրողների հիշեցմանը՝ 5 տարի առաջ այս օրը ԲՀԿ-ն ընտրեց Նիկոլ Փաշինյանին և հարցին՝ Դուք չե՞ք փոշմանել դրա համար, այսպես պատասխանեց ԲՀԿ առաջնորդ Գագիկ Ծառուկյանը՝ մինչ Հակակոռուպցիոն դատարանում իր և Սեդրակ Առուստամյանի վերաբերյալ գործով դատական նիստի մեկնարկը։
Հիշեցնենք՝ մեղադրանքը ներկայացվել է ՀՀ քրեական օրենսգրքի 219-րդ հոդվածի 1-ին մասով, այն է՝ ընտրակաշառք տալը։
Լրագրողների փաստմանը՝ Ձեզ մեղադրում են ընտրակաշառք տալու մեջ, Գագիկ Ծառուկյանն արձագանքեց․ «Եթե դուք այդքան բան իմանայիք, եթե ես մեղավոր լինեի, ուրեմն վաղեմության ժամկետն անցել է, կհամաձայնեի, որ վաղեմության ժամկետով վաղուց գործը կարճեին»։
Լրագրողները հիշեցրին՝ ցուցակներ էին հրապարակվել, որտեղ գներն էին գրված և հետաքրքրվեցին՝ դրանք ի՞նչ ցուցակներ էին, Գագիկ Ծառուկյանն ասաց․ «Այդ ցուցակներն իմ մոտի՞ց էին գտել, որ ինձ եք հարցնում»։
Կարդացեք նաև
Հստակեցմանը՝ Դուք պնդում եք, որ ընտրակաշառք չեք բաժանե՞լ, Գագիկ Ծառուկյանը պատասխանեց․ «Հինգ տարի նույն բանն ասում եմ։ Եթե ես մեղավոր լինեի, ես վաղուց արդեն վաղեմության ժամկետն անցել է, կդիմեի, որ վաղեմության ժամկետով գործը կարճեն։ Դա պետք է հասկանալի լինի ձեզ ու մյուսներին»։
Տաթև ՀԱՐՈՒԹՅՈՒՆՅԱՆ
