Տավուշի մարզի Դիլիջան խոշորացված համայնքում մեկնարկել են սուբվենցիոն ծրագրերը: Դրանք ներառում են մայթերի հիմնանորոգման, ջրատարերի և դիտահորերի փոխարինման աշխատանքներ: Դիլիջանի համայնքապետարանից Aravot.am-ին հայտնեցին, որ այս պահին իրականացվում է Դիլիջան քաղաքի Կալինինի 256 փողոցից մինչև Այգեստան 1/1 հասցեն ընկած հատվածի ասֆալտապատումով հիմնանորոգման ծրագիրը:
Ընդհանուր ծրագրի բյուջեն 128 մլն դրամ է, որի 60%-ը համաֆինանսավորել է Դիլիջանի համայնքապետարանը, իսկ 40%-ը՝ ՀՀ կառավարությունը: Շինարարական աշխատանքներն իրականացնում են «Տարտ Գրուպ» ՍՊԸ և «Եվրո–բուդ» ՍՊԸ կոնսորցիումային ընկերությունները: Համայնքապետարանից հավելեցին,որ աշխատանքները կավարտվեն մինչև տարեվերջ: Հիշեցնենք, որ Դիլիջանն այս տարի 2 միլիարդ դրամի սուբվենցիոն ծրագրի հայտ էր ներկայացրել կառավարությանը:
Լիա ՃԱՂԱՐՅԱՆ
