Մայիսի 3-ին կայացել է Դիլիջան համայնքի ավագանու չորրորդ նստաշրջանի չորրորդ արտահերթ նիստը:
Օրակարգում ներառված էր նաև Գերմանիայի միջազգային համագործակցության ընկերության կողմից իրականացվող «Լավ կառավարում հանուն տեղական զարգացման Հարավային Կովկասում» ծրագրի շրջանակներում գործարկվող դրամաշնորհային մրցույթին մասնակցելու և համաֆինանսավորումն ապահովելու մասին հարցը: Համայնքի ավագանին որոշեց համաձայնություն տալ Դիլիջան համայնքի մասնակցությանը «Լավ կառավարում հանուն տեղական զարգացման Հարավային Կովկասում» ծրագրի շրջանակներում գործադրվող՝ ՀՀ համայնքների սոցիալ-տնտեսական զարգացման դրամաշնորհային հիմնադրամի միջոցով ՀՀ համայնքներում ՄԱԿ-ի կայուն զարգացման 2030 օրակարգի և կայուն զարգացման նպատակների տեղայնացմանն ուղղված դրամաշնորհային մրցույթին:
Համաձայնություն տվեց նաև դրամաշնորհային մրցույթին ներկայացվող ծրագրային հայտ-առաջարկի հաստատման դեպքում Դիլիջան համայնքի 2023 թ․ բյուջեից կատարել համապատասխան ներդրումը։
Դիլիջանի համայնքապետարանից Aravot.am-ին հայտնեցին, որ դեռևս հստակ որոշված չէ, թե ինչ հայտով է համայնքը դիմելու մրցույթին, քանի որ պետք է կազմակերպվեն հանրային լսումներ:
Կարդացեք նաև
Լիա Ճաղարյան
Լուսանկարը` Դիլիջանի համայնքապետարանի
