ՔՊ նախկին պատգամավոր, ԵԽԽՎ–ում Հայաստանի պատվիրակության նախկին անդամ, ադրբեջանագետ Տաթև Հայրապետյանի տելեգրամյան գրառումը
Եվս մեկ հատված օկուպացված Շուշիում Ալիևի երեկվա ելույթից:
«Մենք Ադրբեջանում տարիներ առաջ հասկացանք, որ ոչ ոք մեզ չի օգնի։ Եվ միջազգային իրավունքի գերակայության մասին մեր բոլոր պատրանքները սին են: Ոչ թե միանգամից, այլ բանակցային գործընթացում եկանք այդ եզրահանգման։ Մենք հասկացանք, որ եթե չունենանք ուժեղ բանակ, եթե չմեծացնենք երիտասարդ սերունդ, որը պատրաստ է պայքարել իր արժանապատվության և ոչ միայն հողի համար, մենք միշտ օկուպացիայի տակ կլինենք և միշտ կբողոքենք: Մենք հոգնել ենք բողոքելուց: Թող հիմա ուրիշները բողոքեն մեզանից: Կարծում եմ ՝ Ադրբեջանի օրինակը արժեքավոր է»:
Ադրբեջանական կողմը մերժել է խաղաղ կարգավորման բոլոր տարբերակները (օրինակ՝ Քի–Վեսթ, Կազան)՝ պատրաստվելով պատերազմի ու մի ամբողջ սերունդ մեծացնելով հայերի դեմ ատելության քարոզով: Ալիևի այս խոսքը փաստում է, որ իրենք հարցերը լուծել են ու լուծելու են ուժով, իսկ միջազգային իրավունքն իրենց համար որևէ արժեք չունի:
Կարդացեք նաև
