«Այսօր իրավիճակը, կարելի է ասել, շտկված է, եւ օրական 250-300 հայկական բեռնատար անցում է, այն դեպքում, երբ սովորաբար մենք մոտ 200 մեքենա ենք այդ անցակետով անցկացնում»,- այս մասին Ազգային ժողով-կառավարություն հարց ու պատասխանի ժամանակ ասաց էկոնոմիկայի նախարար Վահան Քերոբյանը՝ անդրադառնալով Վերին Լարսի անցակետում բեռնատարների հերթերին։
Քերոբյանը հավելեց․ «Հերթը, կարելի է ասել, հալվում է, եւ մենք հույս ունենք, որ մինչեւ շաբաթվա վերջ հերթը կվերանա»։ Նախարարը նշեց, որ այսօր մեքենաները կանգնում են հերթում ոչ ավելի, քան 5-6 օր, իսկ դա նորմալ ժամանակահատված է։ Եվ ենթադրվում է, որ ցանկացած արտահանող այդպիսի ռիսկի չափաբաժին դնում է իր բեռնափոխադրման մեջ։
Ռոզա ՀՈՎՀԱՆՆԻՍՅԱՆ
