ՀՀ ԿԸՀ պատվիրակությունը մասնակցել է Ուզբեկստանի սահմանադրական հանրաքվեին

Ապրիլի 30-ին ՀՀ կենտրոնական ընտրական հանձնաժողովի պատվիրակությունը Ուզբեկստանի Հանրապետության կենտրոնական ընտրական հանձնաժողովի հրավերով դիտորդական առաքելությամբ մասնակցել է սահմանադրական հանրաքվեին։ Պատվիրակության կազմում ընդգրկվել են ՀՀ ԿԸՀ նախագահի խորհրդական Արևիկ Նավոյանը և ԿԸՀ աշխատակազմի գլխավոր քարտուղար Գևորգ Պետրոսյանը։

ՈւՀ ԿԸՀ քվեարկության նախորդ օրը մամուլի ասուլիս է հրավիրել, որտեղ ԿԸՀ նախագահ Զայնիդին Նիզամխոջաևն ավելի քան 1000 միջազգային դիտորդներին, ԶԼՄ ներկայացուցիչներին, հյուրերին ներկայացրել է սահմանադրական հանրաքվեի կարևորությունը երկրի տնտեսական և ժողովրդավարական զարգացման տեսանկյունից։

ԿԸՀ նախագահ Նիզամխոջաևն իր խոսքում կարևորել է Ուզբեկստանի քաղաքացիների համար բոլոր հնարավորությունների ստեղծումը՝ իրենց ընտրական իրավունքի իրացման համար։ Այս նպատակով երկրում ձևավորվել են հանրաքվեի տարածքային հանձնաժողովներ, որոնք ձևավորել են ընտրական տեղամասեր, աշխարհի 39 երկրներում Ուզբեկստանի Հանրապետության դիվանագիտական և հյուպատոսական հաստատություններում 55 ընտրական տեղամաս է ձևավորվել։ Արտասահմանում ձևավորված տեղամասերում քվեարկելու համար գրանցվել է 307895  ընտրող։ Յուրաքանչյուր ընտրող ընդգրկվել է միայն մեկ ընտրական ցուցակում, որոնց թիվն ըստ էլեկտրոնային ցուցակների կազմել է 19 մլն․ 722 809։ Գրանցված ընտրողների 46% տղամարդիկ են, 54%-ը՝ կանայք։

Առաջին անգամ ներդրվել է էլեկտրոնային եղանակով ընտրողի անձի նույնականացման տեխնոլոգիան, կիրառվել է շրջիկ արկղով քվեարկությունը փակ հաստատություններում, ինչպես նաև տուն առ տուն քվեարկություն՝ կենսաթոշակային տարիքի և տեղաշարժման դժվարություն ունեցող անձանց համար։

Կարդացեք նաև

Գուրգեն Արսենյանը ը և ՌԴ-ում Ուզբեկստանի դեսպանը քննարկել են երկկողմ հարաբերություններին վերաբերող հարցեր

• 16:41 13.11.2024

«Իշխանություններին կոչ ենք անում հետամուտ լինել ԱԺ-ում Եվրաքվեի նախաձեռնող խմբի ներկայացրած օրենքի նախագիծը քննարկելուն եւ ընդունելուն». հայտարարություն

• 18:14 08.11.2024

ԵՄ-ին ՀՀ անդամակցելու գործընթացի մեկնարկի մասին օրենքի նախագծի նախաձեռնողները ստորագրությունների լրացված ձևաթղթերի 4 տուփ են ներկայացրել ԿԸՀ

• 14:46 07.11.2024

ՀՀ ԿԸՀ պատվիրակությունը քվեարկության նախորդ օրն այցելել է մայրաքաղաք Տաշքենդում ձևավորված թիվ 14 տարածքային ընտրական հանձնաժողով, որտեղ մանրամասն ծանոթացել է ընտրությունների կազմակերպման և անցկացման նախապատրաստական աշխատանքներին, ներկայացրել է ՀՀ-ում կիրառվող էլեկտրոնային եղանակով ընտրողի գրանցումն ու նույնականացումն իրականացող տեխնիկական սարքավորումների առաջատար փորձը, ընտրական տեղամասերի կահավորման առանձնահատկությունները։

Քվեարկության օրը ՀՀ ԿԸՀ պատվիրակությունն այցելել է մի շարք ընտրական տեղամասեր, ծանոթացել քվեարկության ընթացքին, այդ թվում՝ ստացիոնար բժշկական հաստատություններում քվեարկության կազմակերպման և անցկացման առանձնահատկություններին։

ՀՀ կենտրոնական ընտրական հանձնաժողով