Խորհրդարանական հայտարարությունների ժամին ԱԺ փոխնախագահ Հակոբ Արշակյանն ասաց, որ ուզում է իր հայտարարությամբ շարունակել «Հայաստան» խմբակցության պատգամավոր Աղվան Վարդանյանի ելույթը։
«Բոլոր նրանք, ովքեր պատասխանատու են հոկտեմբերի 27-ին Հայաստանի Հանրապետությունը գլխատելու համար, դատվելու են։ Բոլոր նրանք, ովքեր հրամայեցին կազմակերպել Մարտի 1-ին Երեւանի փողոցներում Հայաստանի քաղաքացիների գնդակահարումը, դատվելու են։ Բոլոր նրանք, ովքեր թուլացրել են Հայկական բանակը՝ ուտելով զինվորի հացը, գնել են ժամկետանց հրթիռներ, քրեական բարքեր են ներմուծել բանակ, պետական մրցույթներում իրենց խնամի-բարեկամների միջոցով թալանել են, ունեզրկել են, տիրացել են ՀՀ քաղաքացու ունեցվածքին, դատվելու են եւ դատվում են։ Եվ չեն մարսելու այդ գողացածը։
Ինձանից աջ մասում նստած ընդդիմադիր խմբակցության թե որ անդամներն են թաթախված այս ամենի մեջ, կորոշեն իրավապահ մարմինները։ Եվ, այո, հատիկ-հատիկ բոլորի հետեւից կգնան։ Իսկ եթե ձեր գործընկեր Աղվան Վարդանյանը կցանկանա համագործակցել իրավապահ մարմինների հետ եւ իր ունեցած տեղեկությունների շրջանակներում մատնացույց անել ձեր խմբակցության այն անդամներին, ում դեռ չեն հասցրել իրավապահները մոտենալ, շատ մեծ ուրախությամբ իրավապահները դա կընդունեն որպես օգնություն»,- ասաց Հակոբ Արշակյանը։
Կարդացեք նաև
Ռոզա ՀՈՎՀԱՆՆԻՍՅԱՆ
