Հայաստանի և Ադրբեջանի հարաբերությունների կարգավորման հարցում ցանկացած օգնություն կարելի է ողջունել, եթե դրանք հիմնվում են Ռուսաստանի հետ պայմանավորվածությունների վրա: Այս մասին հայտարարել է Ռուսաստանի նախագահի խոսնակ Դմիտրի Պեսկովը:
«Երկու երկրների միջև առկա խնդիրների լուծմանը և տարածաշրջանում լարվածության թուլացմանն ուղղված որևէ համատեղ գործողությունների և քայլերի մշակումն առաջին հերթին հնարավոր է այն եռակողմ փաստաթղթերի հիման վրա, որոնք ստորագրվել են Ռուսաստանի հետ: Առայժմ չկա որևէ այլ իրավական հիմք, որը կնպաստեր կարգավորմանը: Համապատասխանաբար, առայժմ այդ եռակողմ հայտարարություններին բացարձակապես այլընտրանք չկա»,- ասել է Պեսկովը:
Մեկնաբանելով Հայաստանի և Ադրբեջանի արտգործնախարարների հանդիպումը ԱՄՆ պետքարտուղար Էնթոնի Բլինքենի հետ՝ Պեսկովն ասել է. «Բնականաբար, ցանկացած օգնություն, որը կարող է օգնել կարգավորմանն այդ հիմքի վրա, կարելի է ողջունել: Բայց մենք նաև գիտենք, որ լինում են տարատեսակ փորձեր, որոնք սրբում են կարգավորման հիմքերը, ինչը հեռանկարում կարող է արդյունք չտալ: Հույս ունենանք, որ տվյալ դեպքը դրա մասին չէ»:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
