ՄԱԿ-ի Գերագույն ասամբլեան բանաձև է ընդունել, որում դատապարտվում է Ռուսաստանի ագրեսիան Ուկրաինայի և Վրաստանի դեմ: Հայաստանը չի աջակցել բանաձևի խնդրահարույց պարբերությանը: Իսկ «Cooperation between the United Nations and the Council of Europe» բանաձևին կողմ է քվեարկել։ Բանաձևին կողմ են քվեարկել Հայաստանը, ինչպես նաև Ռուսաստանի դաշնակից մի շարք երկրներ:
Բանաձևը կոչ է անում փոխհատուցել ռուսական ագրեսիայի հետևանքով հասցված վնասը և պատասխանատվության ենթարկել նրանց, ովքեր մեղավոր են միջազգային իրավունքի նորմերի խախտման մեջ:
Բացի Հայաստանից՝ փաստաթղթին կողմ են քվեարկել նաև այնպիսի երկրներ, որոնց Ռուսաստանը համարում է բարեկամական՝ Չինաստանը, Հնդկաստանը, Ղազախստանը, Բրազիլիան, Թուրքիան:
Իրանը, Ուզբեկստանը, Տաջիկստանը, Ղրղըզստանը ձեռնպահ են մնացել:
Կարդացեք նաև
Դեմ քվեարկել են Ռուսաստանը, Բելառուսը, Կոնգոյի Դեմոկրատական Հանրապետությունը, Նիկարագուան, Սիրիան:
Պատրաստեց Վիկտորյա ԱՆԴՐԵԱՍՅԱՆԸ
Կոպիտ սխալ եք թույլ տվել, որը հարիր չէ Առավոտին: Իրանը, Ուզբեկստանը, Տաջիկստանը, Ղրղզստանը ձեռնպահ են քվեարկել:
Շնորհակալություն Նարեկ, ուղղեցինք վրիպակը:
Ձեզ նույնպես շնորհակալություն օպերատիվ արձագանքի համար: Ի դեպ, ձեր նյութերը հաճույքով եմ կարդում, հարգելի Էմմա Գաբրիելյան: 🙂
Անչափ շնորհակալ եմ, որ հետեւում եք:Դա ինձ խիստ ոգեւորող փաստ է: 🙂