«Սահմանային իրադրությունը այս պահին կայուն է, հարաբերական անդորր է, բայց Գեղարքունիքի, Սյունիքի ուղղություններով գրանցվում են հրադադարի ռեժիմի խախտումներ։ Հակառակորդի նպատակը իրավիճակը լարված պահելն է, բայց մեր կողմից վերահսկվում է»,- Ջերմուկում այս մասին լրագրողների հետ ճեպազրույցում ասել է Հայաստանի զինված ուժերի գլխավոր շտաբի պետ Էդվարդ Ասրյանը։ Նա Ջերմուկում հանդիպել է Ֆրանսիայի արտաքին գործերի նախարար Կատրին Կոլոնայի հետ։
Ինչ վերաբերում է Սյունիքի մարզի Տեղ համայնքի ուղղությամբ՝ հակառակորդի առաջխաղացմանը, գլխավոր շտաբի պետի խոսքով՝ «հակառակորդի հետ Հայաստանի ԶՈՒ-ն գտնում է շփման պայմաններում»։
«Արդեն մեր առաջնագիծը ունենք, դիրքային համակարգը բարելավում ենք։ Օր-օրի կատարելագործում ենք՝ հակառակորդի նկատմամբ որոշ ուղղություններով նաեւ առավելություն ստանձնելու համար»,-նշեց Ասրյանը։
Վերջինս բարձր է գնահատում Եվրամիության դիտորդական խմբի աշխատանքը Հայաստանի Հանրապետությունում։ «Այդ աշխատանքով Ադրբեջանի զինված ուժերը իրենց առավել զսպված են զգում։ Այնպես որ շատ լավ է ստացվում աշխատանքը Հայաստանի սահմանների երկայնքով»,- ասաց Ասրյանը՝ նշելով, որ մեր ԶՈՒ-ն ապահովվում է դիտորդների ռազմական անվտանգությունը, ինչպես սահմանային կետերում, այնպես էլ նրանց երթևեկության ժամանակ։
Կարդացեք նաև
Լուսանկարները՝ Հայկ Մանուկյանի
