Հայաստանն ինքն է հրաժարվել հայ-ադրբեջանական սահմանին՝ Լաչինի միջանցքի սկզբնամասում զուգահեռ հսկողություն իրականացնելու առաջարկից, հետևաբար Բաքուն քայլեր է ձեռնարկել՝ «վերահսկողության թափանցիկ մեխանիզմ» գործարկելու համար: Այս մասին հայտարարել է Ադրբեջանի արտգործնախարար Ջեյհուն Բայրամովը Ֆրանսիայի իր գործընկեր Կատրին Կոլոնայի հետ համատեղ մամուլի ասուլիսում:
«Ադրբեջանական կողմի առաջարկներից մեկը եղել է Լաչինի միջանցքում իրականացնել վերահսկողության թափանցիկ ռեժիմ: Սակայն Հայաստանը հրաժարվել է զուգահեռ հսկողության առաջարկից: Այդ պարագայում՝ Լաչինի միջանցքում թափանցիկ վերահսկողություն ապահովելու համար Ադրբեջանն ապրիլի 23-ին քայլեր է ձեռնարկել հսկիչ անցակետի գործառույթներ իրականացնելու ուղղությամբ»,- ասել է Բայրամովը:
Նա նշել է, որ Լաչինի միջանցքը «բաց եղել է և կլինի մարդասիրական նպատակների» համար, ինչպես որ նախատեսված է 2020թ. նոյեմբերի 9-ի հայտարարությամբ:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
