Կիրանց վանքը գտնվում է Տավուշի մարզում: 13-րդ դարում հիմնված վանական համալիրը ներառում է երեք եկեղեցի, երկու գավիթ, սեղանատուն, բնակելի և տնտեսական շինություններ: Պահպանվել են վանքը շրջապատած պարսպի ավերակները:
Ավանդության համաձայն` քարագործ վարպետն ունենում է մի շատ ընդունակ աշակերտ: Նա միայնակ կառուցում է վանքը և վարպետին խնդրում գնահատել իր աշխատանքը: Վանքն այնքան փառահեղ է լինում, որ վարպետը նախանձում է աշակերտին: Որևէ թերություն չգտնելուց հետո վարպետն ասում է. «Կիրը անց ես կացրել»: Այդ պատճառով վանքը կոչվում է Կիրանց:
Պատմամշակութային արգելոց-թանգարանների և պատմական միջավայրի պահպանության ծառայություն
