Դեսպանը կարևորել է Հայոց ցեղասպանության մասին իրազեկվածության բարձրացումը, ինչին կարող է նպաստել Իսպանիայի արխիվներում առկա փաստաթղթերի ուսումնասիրությունը

Աշխատանքային այցով Իսպանիայում գտնվող ՀՀ սփյուռքի գործերի գլխավոր հանձնակատար Զարեհ Սինանյանը և դեսպան Սոս Ավետիսյանն ապրիլի 24-ին մասնակցել են Իսպանիայի Կատալունիա ինքնավար համայնքի խորհրդարանում կայացած Հայոց ցեղասպանության ոգեկոչման արարողությանը, որը նախագահել է խորհրդարանի խոսնակի պարտականությունները կատարող Ալբա Վերգեսը։

Դեսպան Ավետիսյանը հանդես է եկել ելույթով՝ կարևորելով իսպանական հանրային շրջանակներում Հայոց ցեղասպանության մասին իրազեկվածության բարձրացումը, ինչին կարող են մեծապես նպաստել Իսպանիայի ազգային պատմական արխիվներում Հայոց ցեղասպանության վերաբերյալ առկա փաստաթղթերի ուսումնասիրությունը և հանրայնացումը։ Դեսպանն իր խոսքում կարևորել է նաև Կատալունիայի հայ համայնքի մեծ դերակատարությունը Կատալունիայի կողմից Ապրիլի 24-ը Հայոց ցեղասպանության զոհերի հիշատակի հարգման և ցեղասպանությունների կանխարգելման օր հռչակման հարցում։ Միջոցառման շրջանակներում ներկայացվել է Բարսելոնայի Ինքնավար համալսարանի դասախոս Մարտա Սիմոյի «Հայոց ցեղասպանություն. պրակտիկ ուղեցույց ավելին իմանալու համար» աշխատությունը։

Միջոցառմանը ներկա են գտնվել Կատալունիայի հայ համայնքի բազմաթիվ ներկայացուցիչներ։

Իսպանիայում Հայաստանի դեսպանություն

Կարդացեք նաև

«Այդ կենտրոնները պետք է իրար հետ գործակցեն՝ գրավիչ դարձնելով հայագիտությունը». Կոմպլյուտենս համալսարանում անցկացվել է հայագիտական կենտրոնների անդրանիկ համաժողովը

• 17:47 22.11.2024

Իսպանիայի դեսպանի հետ քննարկվել են տիեզերական տեխնոլոգիաների, արհեստական բանականության ոլորտներում հարաբերությունները զարգացնելու հնարավորություններ

• 14:16 22.11.2024

Եթե իսպանական կայքում գրված է, որ հազարավոր լուսանկարներ են ստացել Իսպանիայից, իսկ որտե՞ղ մնացին Հայաստանի լուսանկարները, այդ դեպքում ի՞նչ արբանյակ է, ի՞նչ ուղեծրով է թռչում. Կարեն Վրթանեսյան. «Հրապարակ»

• 10:45 13.11.2024