ԱԺ «Հայաստան» խմբակցության պատգամավոր, Հայաստան-Արգենտինա բարեկամական խմբի ղեկավար Իշխան Սաղաթելյանը եւ խմբակցության պատգամավոր Արման Ղազարյանն ապրիլի 25-ին հանդիպել են արգենտինացի մի խումբ հասարակական, քաղաքական, մշակութային գործիչների, լրագրողների եւ գործարարների հետ:
Իշխան Սաղաթելյանը հյուրերին է ներկայացրել մեր երկրում առկա խնդիրները, անդրադարձել հայ-ադրբեջանական հարաբերություններին: Նա նշել է, որ Ադրբեջանն արդեն 4 ամիս է, ինչ շրջափակել է Արցախը, այսօր էլ ոտնձգություններ է կատարում Հայաստանի ինքնիշխան տարածքի նկատմամբ, չի կատարում Միջազգային դատարանի՝ Արցախի ապաշրջափակման մասին որոշումը:
«Ադրբեջանը շարունակում է իր ավագ եղբոր՝ Թուրքիայի ցեղասպան քաղաքականությունը»,- ասել է Իշխան Սաղաթելյանը: Ըստ նրա՝ վերջին պատերազմում մեր երկիրը չի պարտվել Ադրբեջանին, այլ պատերազմել է Թուրքիայի պես երկրի եւ միջազգային այլ տեռորիստ-վարձկանների դեմ:
Կարդացեք նաև
Հայաստան-Արգենտինա բարեկամական խմբի ղեկավարը բարձր է գնահատել հայ-արգենտինական կապերը, կարեւորել խորհրդարանական, տնտեսական եւ քաղաքական հարաբերությունների զարգացման անհրաժեշտությունը:
Հանդիպման ընթացքում ընդգծվել է Արգենտինայի հայ համայնքի դերը երկու երկրների գործակցությունը զարգացնելու հարցում:
ՀՀ Ազգային ժողով
