ՄԱԿ-ում Ադրբեջանի մշտական ներկայացուցիչ Յաշար Ալիևը ՄԱԿ Անվտանգության խորհրդի բաց լսումներում հանդես է եկել ելույթով՝ Հայաստանի առաջ դնելով մի շարք պահանջները:
«Փաստերն աղավաղելու վրա ժամանակ ծախսելու, միջազգային փաստաթղթերը սխալ մեկնաբանելու, միջազգային հանրությանը մոլորության մեջ գցելու և թշնամանք ու ատելություն սերմանելու փոխարեն` Հայաստանը պետք հետևի իր միջազգային պարտավորություններին, լիարժեք դուրս բերի իր զինված ուժերը և անօրինական զինված խմբավորումներն Ադրբեջանի տարածքից, վերադարձնի Ադրբեջանի՝ դեռ օկուպացված սահմանամերձ ութ գյուղերը, դադարեցնի և զերծ մնա տարածքային հավակնություններից, անօրինակ գործունեությունից և ապատեղեկատվությունից, վերջ տա ականային ահաբեկչությանը, լույս սփռի մի քանի հազար ադրբեջանցիների ճակատագրերի վրա, որոնք անհետ կորել են հակամարտության ընթացքում, փոխհատուցի Ադրբեջանին պատճառած վնասը և բարեխղճորեն բանակցություններ վարի խաղաղության պայմանագրի կնքման և երկու պետությունների միջև սահմանազատման շուրջ»,- ասել է Ալիևը:
Նա նաև նշել է, որ Ադրբեջանի կողմից «հսկիչ անցակետի տեղադրումը Լաչինի ճանապարհի մուտքի մոտ՝ իր ինքնիշխան տարածքում, հիմնվում է պետության տարածքային ինքնիշխանության և ամբողջականության մասին հիմնարար սկզբունքների վրա»:
Պատրաստեց Վիկտորյա ԱՆԴՐԵԱՍՅԱՆԸ
Կարդացեք նաև
